網民熱話:不滿狗主未繫繩放狗 義工與狗主掀罵戰

20180717
東網電視
更多新聞短片
貴婦狗在街頭亂闖,最終被狗義工發現並與狗主展開罵戰。(互聯網影片截圖)
有人認為帶狗隻外出散步時,不使用狗帶可讓牠們更自由走動,然而此舉有可能奪命?前日(15日)有狗義工目擊一隻貴婦狗在元朗診所附近的行人路上到處行走,義工邊為其尋找主人,邊觀察其安全。最終雖尋獲狗主,惟義工不滿對方無視其提醒繫狗帶的勸喻,從而引發激烈罵戰。
根據狗義工朱小姐上傳影片,當時見到一隻貴婦狗在街上四處奔跑,附近並未見同行主人,朱擔心其安危於是追蹤牠,惟小狗戒心重,更幾度跑出馬路,她表示:「驚會嚇到佢再一次跑出馬路,所以都唔敢跟太貼」。
最後朱小姐找到疑是小狗女主人,對方一度在露天停車場大喊尋找小狗,惟狗隻未有理會她,更加在馬路亂走,朱擔心狗隻安全,於是勸喻對方為小狗繫上狗帶,惟女主人敷衍回應,甚至與狗隻「逆行」離開,朱認為小狗生命被冷待,於是出言指摘對方,惟對方亦不示弱反駁,雙方粗口橫飛,展開一場猶如謾罵般的口角。
雖然朱鬧得狠勁,卻獲得網民支持,認為「鬧得好」,「自己唔睇好狗仔,萬一出咗事,真係喊都冇用!」有街坊指這名狗主以此方式「放狗」並非「一次半次」,「每次見到都覺得好牙煙!」
朱回覆東網時表示,「帶小朋友(狗狗)出外請為佢哋戴上狗帶,同埋戴上一個刻有主人聯絡資料嘅狗牌」,萬一不幸走失,能即時聯絡主人,始終「毛孩都係一條生命」。
網民有話說:
Joey Leung Bebi:一次意外,足以致命,到時後悔都冇用!
Nanabomother Wu:閙得好啱,唔係唔記得帶狗帶就可以畀狗狗周圍咁走。
Esther Leung:鬧得好,這些人不配養動物,一啲都唔尊重生命!
Ka Wai Yeung:大把呢啲人,車死又話「啲司機落地獄」,但自己又唔諗下自己唔拖繩!
Sze C Tsoi:佢都傻嘅,咁細隻狗,車真係睇佢唔到㗎!
※緊貼網民熱話,掌握最熱話題,請關注網民熱話fb: