政Whats噏:陳家珮變電車女 有位泊無電叉

20180718
東網電視
更多新聞短片
陳家珮(右)同王政芝(左),兩位靚媽一齊去搵電動車充電位。(陳家珮fb)
香港地好難搵個泊車位,如果係揸電動車就難上加難,皆因隨時有位都無電叉!南區區議員陳家珮(Judy)同新民黨青年委員會主席王政芝(Gigi),兩位靚媽最近約埋做「電車女」,一齊去搵電動車充電位,唔好以為靚媽手車未必得,見Gigi揸住架車喺停車場中間左穿右插,有姿勢有實際㗎。
兩位靚媽率先去港灣道會展停車場,因為指引不足兜咗陣先搵到全場僅有嘅3個充電位,可惜已經泊滿車。佢哋又轉場大會堂停車場,尋尋覓覓終於見到一個靠柱嘅停車位,雖然有點窄,都好過無得泊。點知Gigi泊好車後,發現隔離車位嘅充電器壞咗,用緊佢哋車位嘅充電器,只好宣告行動失敗!