500蚊大鈔無得找　的士司機港女罵戰搞到報警

「500蚊無得找！」相信唔少乘客同的士司機都遇過呢個情況。網上流傳一段短片，一名女乘客以500港元大鈔，繳付24港元車資，引起的士司機不滿，雙方「開火」互罵。但更令人側目的是介入事件的警員，他與司機對話時全程情緒激動，司機要求警員講法例，但該名警員反指「唔好同我講法例」，更試圖教女乘客可以投訴司機「揀客」，令人質疑有偏幫女乘客之嫌。

網上YouTube最近上載一條長達37分鐘片段，鏡頭安裝在車上前方，未有拍攝對罵過程，但對話錄音全程記錄。女乘客指自己無散紙需要付500港元大鈔，「500蚊唔係錢呀，你咪有錢找，玩嘢！」但的士司機同樣以無散紙拒絕找錢，「你夠膽就走咗去」，雙方僵持不下，需要警方介入。

一名警員到達後，司機隨即向警員拋法例指500港元可以不收，但警員未有就法例回應，反指「你唔好同我講法例」，更指「你玩我就慢慢同你玩，我大把時間，你係咪一定要同我揸正講法律」。及後警員向女乘客表示會登記她的身份證，「你唔需要畀車資佢(司機)㗎喇」，批准「擇日再畀」，數分鐘車程最終擾攘大半小時才結束。有網民質疑「香港地唔講法律講咩啊？」「執法者唔講法律咁執咩法？」

根據運輸署指引，的士司機若未能為500元或1000元面額港幣提供找續，雖不屬違例，但司機應盡量滿足乘客找續要求。乘客隨身只攜有500港元面額紙幣時，應在租用的士前，詢問司機能否提供找續。若司機獲乘客同意，前往目的地以外地方找換零錢，乘客有責任支付行駛上述額外車程的相關的士費用。