網民熱話：遊日抱怨自由席冇位坐　網民：了解過規則未？

日本新幹線列車座位一般分為自由席及指定席，其中自由席雖提供有限座位，但就屬先到先得，沒座位的乘客，就只能站着乘搭。今日(21日)有遊日港人在Facebook群組「大阪親子遊」抱怨購買自由席車票竟然「冇位坐」，要站立個多小時，但留言反被網民笑斥，「其實你知道自由席嘅規則未？」

事主稱自己購買自由席車票，由新大阪站前往博多，期間因自由席座位已滿，令他在2個半小時的車程中，「企足大半程」。期間更提及同車有「一家大細」乘客，有家長要抱着嬰兒站立，於是在網上聲討，批評職員明知座位已滿就不應該賣票。

不過其留言卻惹來網民嘲笑，認為事主未了解不同席位的意思，建議事主下次不要購買自由席，「想坐就買指定席啦！自由席預咗有機會要企㗎啦！」

網民有話說：

Boris Tang：買唔起指定席？

Alex Chan：抱住BB大晒咩？買咗自由席，冇位一定要企！

Rose Leung：平咁多，個個都買自由席，一定多人啦！

Michael Li：早幾年同兩個師兄去北海道，由新千歲到函館3粒幾鐘都係咁...

※緊貼網民熱話，掌握最熱話題，請關注網民熱話fb：