瑪麗骨科要等2年　家屬指急病或賣樓睇私院

公立醫院專科門診輪候時間再延長，其中逼爆情況較輕微的港島西區，骨科輪候時間亦達103周，即約2年。東網記者今午(1日)視察瑪麗醫院，專科門診求診人流不絕，至臨近傍晚關門仍有不少病人等待求診。有病人家屬直斥輪候時間過長問題不解決，猶如「逼人睇私家醫生」。

溫先生表示，其70歲父親需在該院肝科和骨科覆診，每次輪候睇症時間都長到「離晒譜」，今日其父因身體不適要更改覆診日期，豈料一改期就去到明年4月。他認為公立醫院資源及人手嚴重不足，若有急病只能向私家醫院求醫，「有咩事急起上嚟都要搵私家醫院即刻做手術。若冇錢畀手術費，賣車、賣樓都無計。」他希望政府能增撥資源，增建醫院和增聘醫生，提升服務效率。

黃先生為糖尿病患者，需長期到瑪麗醫院覆診。他亦斥公立醫院資源不足，以往糖尿病患者每隔1至2個月就獲安排覆診一次，目前已改為3個月一次。他屬舊症患者亦感到「愈等愈耐」，認為新症患者面對的情況更差，「新症要再等耐啲，可能等成年都冇得睇！」