玩命挑戰?逾20米崖上跳海 山友自豪︰破晒紀錄

2018年08月10日 13:53
東網電視
更多新聞短片
行山男由20米崖縱身一躍,場面驚心。

為挑戰極限可以去到幾盡?有行山友在Facebook專頁「越野狂人」上載片段,只見在北果洲逾20米高的崖上,有人在沒有安全裝備的情況下,一躍而下,直墮入海中,場面驚心。

《港呢啲》聯絡到片中的跳崖者大S,他透露自己有10多年的跳崖經驗,今次特意到北果洲「蟹洞」挑戰,笑言︰「今次(高度)係破晒紀錄,自己踏出去都覺得好恐怖呀」。

大S解釋,事前有朋友曾以捆邊、浮潛等方法,評估水深超過8米,認為可以承受從20米躍下的衝力,而當日亦有不少救護朋友在場,因此才放心挑戰。他亦深明箇中危險,警告網民︰「好易出事,無經驗真係咪亂來」。

急症科專科醫生司徒敬豪早前接受本網查詢時亦警告,從高處跳下水面容易令頭、頸、胸和腹部受傷,重則腦出血、四肢癱瘓及肝臟等器官爆裂,嚴重者可致即時死亡。

大家千祈咪胡亂模仿呀!
---------------
《港呢啲》:大事小事騎呢事,東網嚴謹選題,輕鬆製作!