日機場打蛇餅 港媽扮大肚打尖︰我肥得好有用!

2018年08月10日 17:12
東網電視
更多新聞短片
有港媽扮孕婦,成功在日本關西機場「打尖」。(互聯網)

為咗攞着數,有港媽竟然出「絕招」扮大肚?有港媽近日在其社交網站炫耀,指自己與女兒早前在關西機場回港時,因發現機場「打晒蛇餅」,遂假扮懷孕,最終成功插隊!貼文旋即引來網民怒轟,甚至將該港媽起底!

該港媽在貼文中表示,日本關西機場的安檢電腦出現故障,機場塞滿約3000名正等候過關的旅客。為免要排隊逾2小時,她靈光一閃,「我當然用女人最好嘅一個招數,扮大肚攞priority pass(優先證)」。

她指,當時地勤人員雖曾起身查看,惟她訛稱自己懷有三個月身孕︰「好彩我未減肥咋,仲有個肚腩仔凸凸哋…又畀我過到骨」、「突然間覺得我肥得好可愛好有用」。

貼文迅即在網絡瘋傳,不少人批評該港媽「唔知醜」︰「仲可以咁自豪講出嚟,醜唔醜啲」、「喺個女面前,呃人仲要好威威咁」、「打咗尖仲要四圍唱」。

你又認唔認同佢嘅行徑呢?
---------------
《港呢啲》:大事小事騎呢事,東網嚴謹選題,輕鬆製作!