網民熱話:男女濫用親子間喝罵清潔工 路人幫口反被斥

2018年08月11日 19:00
東網電視
更多新聞短片
有中年男女為使用親子間與清潔工發生爭執。(互聯網圖片)

商場的廁所人龍總是絡繹不絕,不時會有人「偷雞」使用傷殘廁所,然而此舉有可能影響到真正有需要人士。昨天(10日)就有人在葵芳一個商場目睹一對中年男女因親子洗手間的使用權,與清潔工在廁所門外發生爭執,面對二人的無理取鬧,目擊者不甘清潔工被「欺負」,出面指摘,結果反遭對方斥多事。

「部分香港人真係好自私!」網民 Matt 在 Facebook 群組「巴打絲打 Facebook Club」分享該對中年男女與清潔工友爭論「親子洗手間使用權」的經歷,該男女嘗試進入為方便一個家庭使用的親子洗手間時,被清潔工阻止,並提醒,「依個係家庭洗手間,係畀一家大細用㗎!」卻遭男子反問:「入面都冇人,點解我哋唔用得?」

清潔工友耐心解釋親子洗手間用途,並勸二人使用普通廁所,卻再遭男子反問,「咁我哋兩個都係 family,點解唔用得?」此時,Matt不值二人所為,企圖上前為清潔工解圍,卻反被男子以「關你咩事啊?」及粗口反擊,其所言所行,令Matt直呼:「真係好核突!」

網民直斥該男女是「自私精」,大讚Matt「做得好!同時要畀個讚咁盡責嘅工友!」不過亦有網民認為,「冇人用,咪由佢啦!」

網民有話說:

Ying Yingying Yvonne:佢哋可能想喺廁所gathering!

Sy Ko:無品嘅香港中年人。

Edward Omen:其實親子廁所使用率很高,和輪椅需要電梯情況一樣。

Amy Lee:冇人用,咪由佢啦!

Yo Yo Lo:面皮厚到無敵!

※緊貼網民熱話,掌握最熱話題,請關注網民熱話fb: 
http://on.fb.me/1L3m1ro