政Whats噏:何啟明露底 民主派初選凍過水

2018年08月12日 18:44
東網電視
更多新聞短片
何啟明否認民協「屈服」放棄初選。

立法會九龍西補選於11月舉行,自決派劉小麗早已明言積極考慮參選,但如果被取消參選資格(DQ),民主派就要推舉佢親自欽點嘅人選,惹來九西「地頭蟲」民協反對。不過,今日(12日)傳出民協「屈服」放棄初選,民協副主席何啟明回覆時否認,堅持初選最有效。但問到將來民主動力唔肯搞初選咁點算?佢笑而不答,睇嚟初選都凍過水嘞!

何指,今年3月嘅補選,民主派喺去年底開始醞釀初選,1月搞實體投票,點完票即刻去報名,認為當初未有機制都搞到,今天有機制點解唔做?只要民主派願意,依家可以即刻做,一再重申初選係最有效嘅方法。只係將來會唔會跟大隊服從「欽點制」,佢就笑話要民協開會再傾,不能代黨回答,但如劉小麗參選就必定會支持。