網民熱話：黑仔租戶家居電器連環壞 神秘業主拒現身
20180815
東網電視
更多新聞短片
有網民租用單位1個月後，電器陸續損毀，令她苦不堪言。(Facebook專頁「巴打絲打 facebook club」影片截圖)
租樓要有合約在手是常識，一個失誤，可能帶來無窮困擾。有租客就在Facebook群組大爆自己租樓的「中伏」經歷，向網友抱怨自己在租樓後遇到的一連串「黑仔事」，包括家居電器連環損毀卻冇人跟進的苦況，最後更發現自己冇合約在手，無從追究。事件吸引了不少網民留言，更為其提供各種解決方法。
昨日（14日），網友Emma YG在Facebook群組「將軍澳」發文，斥責單位的地產經紀和業主。女事主講述，今年4月初，她透過地產經紀洽談租務，對方表明業主不會現身，將來一切租務問題由他負責，女事主認為問題不大，於是答應。並即時預繳未來23個月租金期票，但一直未獲得與業主簽訂的正式租約。
入住後1個月，該單位的3部冷氣陸續傳出惡臭，需要調到低溫才能消除味道。就在冷氣傳出惡臭之時，廁所的燈箱亦忽然爆裂跌下。
她嘗試聯絡經紀處理，但一直被拖延。直到6月中，才有師傅上門清洗冷氣。然而清洗後全部冷氣忽然不能製冷。Emma YG又再次聯絡對方，被告知是冷氣雪種不夠，需用吊船從外牆為冷氣加入雪種，但同一時間，大廈的吊船又正在維修，她惟有繼續苦候。在等待期間，雪櫃亦開始漏水，最後更「熄機」停頓。
Emma YG在文中表示，當時曾要求經紀讓她直接聯絡業主，但對方一度諸多推搪，最後才肯給她業主的電話，「個業主當然態度好差，反口話所有嘢都係我哋人為，我哋好嬲，話要退租......要我哋即刻走，按金唔會退！」雖然女事主曾想作出追究，但此時才發現自己根本無合約在手，無法追究。
有網友嘗試為Emma YG提供解決方案：「依家我諗你唔好交租啦，住夠租金先走......無證無據。」、「Cut票，唔交租，逼佢出嚟，但你搵定地方」、「不如畀錢查冊，睇吓邊個先係業主」。不過亦有網民質疑女事主：「無租約喺手都肯制？咁有咩證明你畀過錢個經紀？佢反告你擅闖民居都仲得呀」、「無租約都入住？你咁大膽嘅？第一次租樓？」
網民有話說：
Gaga Wong：23張票，cut票手續費都好甘。樓主你做咩咁傻，成隻羊太太咁。
Tang Johnson：必先有賤業主，然後才造就有租霸。
Gavin Po：既然乜都冇證明，同佢裝修吓，唔交租，唔交匙。
Wing Lan Chu：唔交租，開大門口，臭到外出，等其他住客投訢，到時管理處會叫業主跟進，好過你搵業主。
※緊貼網民熱話，掌握最熱話題，請關注網民熱話fb：