網民熱話：3女瞓公屋後樓梯 網民：夜晚見到嚇餐死
香港經常被揶揄「土地問題」嚴重，一屋難求下更遑論招待親戚朋友？有網民在網上分享一張3名女子在大廈梯間呼呼大睡的照片，由於現場環境與3人睡姿帶點詭異感，有網民抵死留言指，在農曆7月晚上見此情景，確實被「嚇餐死」。
今日（18日）有網民在facebook「PLAY HARD 玩硬」上載一張聲稱在柴灣興華一邨一幢大廈後梯拍攝的照片。相中3名女子並排席地而睡，幾乎霸佔整條通道。而睡覺位置地上鋪滿紙皮及報紙，但旁邊未見擺有任何個人財物。上載者稱，有街坊懷疑3人是由內地來港探親，可能因單位空間不足而被迫睡在後樓梯。
由於拍攝時相中3人疑已熟睡，分別以不同姿勢橫臥地上，有網民表示，農曆7月鬼門關大開，夜闌人靜時在梯間見到3人「躺屍」定必會嚇死，甚至有人戲言氣氛像「停屍間」。不過也有網民表示理解，指後樓梯夠涼快，能省下一大筆冷氣費。亦有人指「有頭髮邊個想做癩痢」，反指拍攝者公審無情。
網民有話說
Chungwing Lee：停屍間
Shannie Chow：7月真係嚇X死
Selden Zee：瞓後樓梯，夏天涼爽呀，窮人生活係咁，以前細個都係咁，有時仲上天台瞓
May Cha：反而覺得佢哋可憐，俗語都有話，有頭髮邊個想做瘌痢
※緊貼網民熱話，掌握最熱話題，請關注網民熱話fb：