火爆男拖小朋友大鬧快餐店　只為$10兩個包？

全日優惠售完即止，你接唔接受？近日有網民上載影片，指一男子帶同女兒到快餐店，疑不滿快餐店仍在出售漢堡包，但卻結束10蚊兩個漢堡包的全日優惠，因而與店員發生爭執。

從Facebook群組「Tai Po 大埔」的影片可見，該男子情緒激動，不斷向職員展示優惠，指該優惠屬全日供應，質疑︰「我買一個漢堡包，咁點解一個有，兩個冇？」惟職員則冷靜地回答：「做完就冇㗎啦，先生」。

事件在網上引起熱議，認為該名男子不應大吵大鬧：「家長喺小朋友面前情緒失控，對小朋友影響好大」、「人哋寫明優惠數量有限，售完即止，又有最終決定權，咁都嘈。」但亦有人認為：「快餐店有貨但唔賣優惠價，呢嘢已經夠火滾啦」。

涉事快餐店回覆《港呢啲》查詢時表示，該顧客於星期二（21日）晚上光顧時，當時餐廳只餘下一個漢堡包可供發售，故該店職員表示未能提供「$10兩個漢堡包」優惠。

該店表示，近日一連串優惠的供應時間由當天早上11時起，售完即止，相關條款及細則已詳列於該店網站及有關宣傳物品中。

---------------

《港呢啲》：大事小事騎呢事，東網嚴謹選題，輕鬆製作！