男子持東洋刀闖車胎舖「開光」　怒劈東主遭街坊制服

深水埗發生持刀傷人案！現場為界限街一間車胎舖，由姓賴東主(43歲)及妻子合力經營，開舗已有逾2年。今午(25日)3時許，一名年約40歲赤膊男，拿着一把東洋刀走入店內，賴憶述指：「佢話幫我磨咗佢吖，開光（開鋒）呀！」賴拒絕其要求時，對方仍在舖內「四圍睇」，疑想取走貴重物品，賴即時喂止，指稱：「佢當時攞把刀出嚟，兇吓你，扮想斬吓你，我咪話『你好啦喎』，佢就話『你係咪想死呀』，就用刀係咁劈。」

賴即時擸起身旁雨傘擋格，惡漢「斬到遮都爛」，在旁賴妻見狀，亦拿起摺櫈護夫擋刀，惡漢向着櫈猛劈十多刀，其後又轉身向賴圖揮斬，賴慌忙閃避時，被車胎絆倒跌坐地上，惡漢見狀舉刀劈向賴，幸賴及時閃避僅右腳被刀「揩」傷，惡漢隨後奪門而出向汝州街逃走，賴負傷尾隨。

據悉，當時店舖對面食肆東主及好友目睹斬人，義不容辭衝出窮追，2人均是空手道高手。賴指：「佢(惡漢)喺馬路中心想截停啲車，見到啲的士同貨van，想開人哋啲車門坐車走，我就大叫『唔好走呀，唔好開車』！」賴一行3人狂追約200米，直至黃竹街附近，合力撲前將疑兇制服。大批警方接報趕至，初步調查後，以藏有攻擊性武器及普通襲擊，將該名姓甘(39歲)男子拘捕，由於他精神狀況不穩及額頭受傷，遂將他送院治理，而賴只受輕傷未有送院，堅持往警署協助。警方封鎖現場調查時，在路邊檢獲一把未開鋒的東洋刀，以及一個疑屬疑兇斜孭袋。

事後賴再憶述經過仍有餘悸，指今次首度遇到無厘頭遇襲事件，至於其妻在危急關頭奮不顧身擸櫈掩護，他不知如何報答妻子，卻笑言：「有排畀佢鬧呀！」而賴妻在旁肉緊地指：「唔擋住，頭都開咗幾朵花。」她又笑罵丈夫：「人哋攞把刀出嚟又唔出聲，以為人哋唔會斬你！」夫妻患難見真情可見。