我有正能量:仁醫在線 助人為樂

20180826
東網電視
更多新聞短片
有非牟利的線上平台為市民解答健康疑難。
「有時夜闌人靜,難免會諗人生係為乜嘢。」Doris回想以往任職拍賣行時,工時長壓力大,經常感到迷茫。如今身為線上醫生諮詢平台「問問Dr Friend」的創辦人兼召集人,工作壓力雖然一絲不減,卻令她不再困惑人生的意義:「我喺幫人之中搵番快樂同初心。」
「問問Dr Friend」是一個非牟利的線上平台,成立至今近2年,透過小編團隊收集市民的健康疑難,轉交相關專科醫生解答後,再回答提問者,整個過程均是義務性質。為增加趣味性,20個專科的「駐場」醫生全都有自己的代號,如急症科的長頸鹿醫生、水豚牙醫、麻瓜中醫和耳鼻喉科的獅子醫生等等,名副其實是「醫生動物園」。
「人如果喺生活中遇上醫生就會捉住佢係咁問,真係去求診時反而會唔敢問。」本身是急症科專科醫生的恐龍醫生Ken,行醫近20年,亦是這個平台的共同創辦人。他指現實中醫生需維持專業形象,但透過網上平台,醫生可以用朋友的角度為病人提供意見,「例如病人嚟睇心口痛,就算只有萬分之一可能性,醫生都需要話你知可能係心臟病,但作為朋友就可以結合病人嘅情況,講最大機會嘅可能性畀佢知,形式更生活化。」
利用社交平台免費為人解答健康疑難,遇上的問題何止五花八門。加入義務服務的醫生們平日工作繁忙,不免令人好奇如何應付額外「工作」,Ken笑言:「小編會先將問題初步整理,再WhatsApp畀我哋,我就利用平時等車、等食飯呢啲空閒時間,睇完再回語音訊息,其實唔係好大負擔。」
除此之外,平台亦會整合常見問題,建立資料庫供發問者先行參考,Doris舉例:「簡單如經痛咁,我哋已經整理出十分詳盡嘅資料頁,幾乎可以解答九成發問者嘅問題,咁就唔使重複詢問醫生,提升解答效率。」平台早前更從網上走到現實,參與市集活動,安排中醫師即場為市民調製花茶,大受歡迎。
平台如今已有近1.3萬人追蹤,對於當初辭工後一個無心插柳的決定可以小有成績,Doris也十分感恩。雖然過程不免遇上難關,但是她坦言並不後悔:「雖然工作仍有壓力,但係透過幫人得到嘅滿足感無可比擬,而且得到好多朋友幫忙,可以建立到一個開心嘅工作團隊亦好難得,依家每日都好開心。」
-----------------------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!
立即免費下載,體驗《骰寶坊》最真實、刺激的多人在線骰寶遊戲!
遊戲下載:https://goo.gl/i2t1yj