網民熱話：嫌伯伯用八達通慢吞吞　大學生圖公審反被起底

近年公審不絕，有理冇理，都放上網絡，不過有時可能自食惡果。今日(28日)有網民在Facebook群組上載一段的影片，意圖公審不太懂使用八達通的伯伯「動作慢」，怎知公審不成反惹來網民狠批及起底。

僅13秒長的影片可見，一名伯伯在搭巴士時使用八達通繳付車資，他先將銀包拍在八達通機的顯示屏上，發現沒有反應，便打開銀包將長者八達通抽出，再次「拍卡」。當下伯伯已經意識到自己的錯誤，立刻將八達通移到正確位置再拍，最終成功繳付車資。發文者疑不滿阿伯的動作太緩慢，阻礙了巴士行車，留言嘲諷，「有請兩蚊客教大家用八達通」。

影片發布1個鐘已經有逾200則留言，而且評論幾乎一面倒狠批發文者行徑，影片事後迅速被刪除。雖然有網民表示不理解伯伯為何不懂用八達通，不過絕大部分網民都是怒斥發文者行徑，「咁樣影人哋對你有咩好處？只能代表你質素好低，香港咪就係多咗你呢啲自以為是嘅垃圾囉」、「老人家唔識用你識用，係咪覺得自己好叻？仲拍片放上嚟！真廢青」。有網民更將貼文者起底，發現他是香港一大學研究院學生，並稱「依家啲大學生，讀書唔讀道德教育，影人哋影成分鐘，都唔肯提一提人哋，仲要放上網恥笑」。

網民有話說：

Kammy Mok：唔識咪唔識囉！

Ho Lulu：咁都畀你拍到片，你似係戰地記者喎！無時無刻都準備拍低精彩畫面

Barry Yuen：點解唔教下人，我懷疑你都唔識，又唔敢試，企埋一邊等人示範，仲笑人，正廢柴

※緊貼網民熱話，掌握最熱話題，請關注網民熱話fb：