網民熱話:甩底贊助風波再起 疑為科大生謬論遭狂插

20180830
東網電視
更多新聞短片
有疑似科大生在網上口出狂言批評炸雞店店主,結果再惹一場風波。(互聯網圖片)
科技大學宿生會?贊助最終甩底,浪費店主200隻雞翼事件風波再起。雖然涉事的科大生已於昨日(29日)傍晚親身到小食店向店主道歉,又在Facebook專頁公開致歉。然而有疑為科大生在道歉聲明的留言區大罵店舖小題大作,為該宿生會被狠批「抱不平」。其言論惹來網民的怒轟,留言更被截圖瘋傳至其他Facebook群組。
網友‎Chloe Fei在‎Facebook群組「巴打絲打 Facebook Club」上載一張「科大學生會冰川社三道歉聲明」留言截圖,並留言謂:「依家大學生啲思想真係好得人驚」。據圖片可見,該名疑是科大生的網民在該道歉聲明下留言:「都唔要人雞翼,Block佢好正常。Ocamp咁忙,個電話大把msg(信息),梗係要過濾。講咗話唔要仲想點?舖頭唔識賣咗佢嘅?如果舖頭最後丟咗啲雞翼,浪費嗰個係舖頭唔係個莊囉。」該網民更指,「一支莊」每年需要?幾十間贊助商,最後拒絕要贊助都很正常,而且全港的莊都是這樣。今次冰川社三會「不幸」上報都是因為店舖老闆小器。
不少網民對其留言顯得非常憤怒,紛紛怒斥:「本末倒置,好心答應送畀你,但又放人飛機,仲要講到好似合情合理」、「咩態度呀,所謂大學生真係畀你畢到業都冇用」、「連一點點尊重、禮貌同珍惜都唔識」、「基本禮貌同責任有冇?Block人好正常?乜嘢邏輯?」有網友認為該發言者顯得對事件甚為了解,懷疑是涉事科大生其中一人:「呢個人應該就係啲幹事」。
東網聯絡涉事宿生會,宿生會確認該發文者並非是宿生會的幹事或成員,其言論亦不代表「冰川社三」的立場,而店舖老闆得悉事件後,表示希望事件盡快平息,不想為涉事學生再添壓力。他相信發言者非涉事學生,而是另有其人,並稱「阻止唔到人哋嘅諗法,但自己問心無愧」。
網民有話說:
Manson Tang:一啲家教都無!大學生原來只係咁樣
Benny Wong:推佢見報啦,正害蟲~
Sam Chan:不知所謂的大學生
Daisy Lo:咁無品,就算畀佢完成大學,出到社會咁樣態度做事一定會玩完
※緊貼網民熱話,掌握最熱話題,請關注網民熱話fb: