奪命車禍：專家估計車速快唔熟路肇禍

石澳道叔死姪傷奪命車禍，涉事私家車為有24年車齡的「老爺」私家車。香港汽車工業學會會長李耀培表示，該私家車越線撞巴士，應該與人為失誤有關，估計涉及車速太快、司機不熟路面情況、以及路面濕滑所致。

李指出，肇事私家車屬前輪驅動，馬力大，車身輕，在彎位大力煞掣容易失控，「明明扭咗左軚，但仍然轉唔到左」，因此直接炒車。今早曾落雨，中午過後才出太陽，路面可能仍然留有水漬而濕滑，不排除司機未有留意開快車肇禍。

李耀培又稱，涉事私家車雖有24年車齡，但只要每年檢驗合格，向運輸署取得行車證，證明機件性能無問題，在路面行駛仍是安全，因此他相信意外與車齡無關。至於該輛私家車剛維修好，試車時失事，是否涉及機件問題，則需要驗車才能確定。

另外，石澳道使用了數十年，彎多路窄係司機都知，道路設計沒有問題，強調「只要司機開車唔好咁快，點行都冇問題！」