網民熱話：校園欺凌？老師疑出言侮辱學生惹公憤
為人師表理應循循善誘，負起春風化雨的責任，就算學生犯錯，亦要以理服人。前日（9日）有匿名學生在Facebook群組「XXXSS Secrets X中秘密」貼文稱，上課時因有同學忘記帶課本，當時正在授課的女教師將其書包丟到垃圾桶旁，見涉事學生未有反抗，更出言侮辱。事件引起極大回響，網民怒斥涉事教師「校園欺凌」，要求校方關注事件。
匿名學生在發文留言指，老師見涉事學生沒有即時發怒及作出反抗，便在學生頭上輕輕一拍，並謂：「真係溫馴，Good dog（好狗）」。其他同學聞言後捧腹大笑，令涉事學生當眾出醜。
其後學生在另一貼文指，老師有為對方拾回書包，並力撐老師：「當佢對嗰位學生講『good dog』嘅時候，其實我哋係唔係可以將佢當作係一種玩笑，佢都淨係想令課堂上增添一啲樂趣」。又有學生稱，涉事老師已經親自到班房向學生道歉，「嗰位同學都已經接受咗佢嘅道歉。佢都話佢已經知錯，話自己會改進同埋反省。」
大批網民認為，老師侮辱學生有失專業操守，「雖然同學仔都有少少錯，但都未至於咁樣畀人侮辱」，「佢身份係老師，要負上嘅責任就更大，為人師表一啲職業操守都冇。」又有人認為道歉不能解決事件，對學生唔公道，「以後畀人捉到犯校規，係咪就可以當冇事發生？」「有老師講粗口連工都冇埋，但係咁樣又得嘅。」亦有學生怪責貼文者「搞大件事」，影響校風。
東網已就事件向有關學校查詢，正等候回覆。
網民有話說
Luci Morn：叫學生做「dog」嘅老師，煩請舉例佢有幾好！？
Arila Sy：老師嚟教書㗎，叫你嚟玩學生笑學生呀？
Deal Galileo：hi good dog (冇惡意純粹講笑）
Luci Morn：其實當事人可以唔接受（道歉）咩，除非唔讀嘅唧
Joshua Chan：他朝君體也相同
※緊貼網民熱話，掌握最熱話題，請關注網民熱話fb：