山竹襲港：3狗慘留天台捱風雨　網民鬧爆主人

強颱風「山竹」吹襲香港，留在安全地方避風，應該是常識吧？不過，有些狗狗卻冇瓦遮頭，流離天台，十分可憐。有市民今日（16日）拍攝到3隻唐狗疑被狗主冷待，於懸掛10號風球情況下在大廈天台徘迴，事件引起網民圍插，怒斥狗主「冇人性」。

從片段所見，3隻唐狗受盡風吹雨打，在天台顯得孤立無助。為免被雨水弄濕，牠們躲避到盆栽之間避雨，其中一隻狗狗更用後腳嘗試踢水落街保護自己，叫人慘不忍睹。有網民亦在在Facebook群組「大埔 Tai Po」發文，斥責並呼籲狗主，「你快啲收返啲狗入屋，佢哋就快畀風吹落街！」

網民得悉事件後，紛紛怒斥狗主自私，「有冇搞X錯，佢啲花盤都好危險」，「攪L錯呀...狗主又唔企出來試下吹」。又有網民認為狗主行為如同虐待動物，需要報警處理，「報警，佢咁樣真係好易吹落街」，「狗主試吓綁自己喺天台啦，冇人性！」

據悉，在狗狗捱風擋雨約40分鐘後，有人把牠們接走。

網民有話說

Oscar Cheung：風咁大，真係好擔心會吹佢哋落街

Jackey Chu：好衰囉留返啲狗狗喺上面自生自滅

Wong Kei Kay：要捉個狗主上去天台畀佢感受下

Wings Fan：癡線！嗱嗱臨報警啦，個風吊臂都吹得郁呀