每日一片：冇飲管日索飲管　食客激動大鬧快餐店

在講求環保的年代，使用即棄塑膠食具可免則免，不過就未必每個市民都會體諒。近日有連鎖快餐店推行每周一次的「冇飲管日」，但有食客疑不滿安排，索取飲管不果，竟在店內大吵大鬧，怒罵職員。影片上載後，不少網民力撐職員，更指該食客「為咗支飲管喺度發癲」。

網民Darron Lam昨日（17日)於「巴打絲打 Facebook Club」facebook專頁上載一名身穿恤衫西褲男子於一間快餐店與職員發生爭執，該網民留言表示，「這傢伙要紅了，冇飲管日，要飲管，結果躁狂症發作。」

原來該男子於快餐店購買食品後，疑因職員拒絕派發飲管，惹來男子不滿，於是大聲喝罵職員：「你咩態度？你想點？」職員亦不甘示弱反問：「咁你想點？」男子大聲反擊：「做咩咁大聲？咁樣對啲客呀依家？」職員即霸氣說：「咁點呀？嘈完未呀？走啦！」由於男子繼續爆粗兼發火，職員沒好氣說：「咁你慢慢企！」最終對方不忿地離開。

片段上載後，大部分網民支持快餐店職員，「EQ不錯！X客係要鬧！有時做服務性行業唔一定要畀客鬧，遇到無理取鬧要企硬反抗！」，有人指該男食客「為咗支飲管喺度發癲」，「得把死人聲，又問人咩態度，又話人大聲，全程無POINT嘅」。不過亦有人支持男食客，「之前明明話冇飲管日個客問都照畀。依家咩玩法先？」，「冇飲管日都可以給予客人選擇要唔要，有人問咪畀囉，拎嗰個客氣啲，好小事啫！」