政Whats噏：深水埗開區會　張永森為乜要道歉？

深水埗區議會近期動作多多，好似推翻授權票制度、計劃提出動議阻止建制派衞星組織申請撥款等，相信為深水埗區議會主席張永森增添唔少煩惱。而張永森今日(21日)主持會議時竟然一開波就要道歉，到底發生咩事呢？

今日嘅深水埗區社區重點項目計劃委員會召開第5次會議，會議時間早上10點舉行，但21名委員只得小貓三四隻現身，連主席張永森都唔見人囉，搞到職員密密打電話急Call議員開會。

最後張永森喺10點20分現身，但當時仍未夠法定人數，等多3分鐘有該區區議員甄啟榮趕到先夠人開會。張永森一坐低就講明要道歉，因為地區好塞車，紅綠燈多，搭?又塞，所以搞到連佢都遲到，聽落好牽強喎。不過佢又真係幾趕，事關一坐低就沖水飲，似乎要抖番順條氣喇。

張永森作為主席都遲到的確唔啱，但聽聞有3名委員連續3次會議唔見人而要退出委員會，比較之下張永森肯為遲到致歉真係有承擔得多囉！