去北京公幹搭高鐵？　林鄭「倒米」 指未必適合

高鐵香港段於明日(23日)正式通車，特首林鄭月娥今(22日)試坐動感號到廣州南站，其後返回西九龍站會見傳媒，被問及日後到北京述職會否乘搭高鐵，林鄭「倒米」稱，由西九龍站出發到北京，需要近9小時，「如果我有充裕時間願意坐高鐵去北京，不過恐怕每次出外行程都非常緊湊，所以長途暫時嚟講未必適合我公幹之用。」她其後補充，若目的地是3、4小時路程，如廈門、長沙、武漢等，高鐵是很好選擇，可能較乘搭飛機更加可靠。

被問及公幹未必乘搭高鐵，是否反映高鐵吸引力不足，林鄭稱，「你執住我一句話，我公務唔會坐認為就唔夠吸引力，呢個可能就唔係呢種態度」，她重申自己身為特首，在平衡公務上做更多事情下，「9個小時用喺交通上，可能未必係我今日咁嘅情況考慮」，但她仍鼓勵市民多乘搭高鐵。