網民熱話:鹹濕鏡?安全鏡?的士司機位裝鏡有古怪

20180923
東網電視
更多新聞短片
有網民稱呼加裝在司機位右上方的鏡作「鹹濕鏡」。(互聯網)
的士司機位左上方,有塊後視鏡正常不過,但如果司機位的右上方,又有一面鏡,你會作何感想?昨晚(22日)網民Eva Vava在Fb群組「的士司機資訊網 Taxi」上載了兩張相,貼文惹來熱議。
該兩張圖片,相信均攝於的士車廂。發文者用螢光粉紅框框,圈起了司機位右上方的鏡子,並留言問:「見過好多次,想問吓呢塊鏡有咩作用?」不少網民稱呼它為「鹹濕鏡」,謂:「反正着裙的話合埋腳,就乜事都冇!」
Ken Tsang更認真分析指,如果不明白用途,可在私家車的同樣位置裝鏡,再找着裙的女性朋友坐在後座,「到時就『一理通馬國明』,4座的士,尤其如虎添翼,5座就差啲個視野角度,因為前座一排過,擋咗好多。」不過亦有網民不知是「圓定曲」,留言謂,「係保安鏡」、「同一支槍,畀警察同個賊用嘅分別,視乎甚麼人......」
的士車行車主協會會長吳坤成回覆東網表示,右上方的鏡子並非「鹹濕鏡」,而是助司機觀察後座乘客舉動,提防劫案。他更笑言,「如果真係睇裙底,應該裝下啲喇!」
網民有話說
匡伯:若遇到穿裙女士,幫助司機練習心如止水
MK Ng:唔同人,目標唔同,睇你想點睇!
Chun Hong Wong:開着手機背Led燈放在自己重要部位上,Led燈要斜角對住果塊鏡照射
Sang Sang:睇鏡嘅角度似係如果有乘客留低野可以睇到......