政Whats噏：范國威亂搬塌樹　郭偉強：姿勢錯晒

「山竹」襲港後，塌樹處處，唔少市民同地區組織都自發上街清理。就喺風災離開後，新民主同盟嘅區議員同立法會議員范國威(Gary)都有落街清理塌樹，點知畀工聯會立法會議員郭偉強喺社交網站留言寸爆，話以職安健角度睇，提舉姿勢錯晒，無常識到極點喎。

最近一星期，社交網站都充斥着大量清理街道相片，而有網民就分享一張相，拍到西頁區議員呂文光同Gary試圖合力抬起一棵已倒塌嘅大樹，Gary面部表情十足，顯得極度用力，但棵樹好似郁都無郁過。

一向有關注職安健嘅郭偉強回覆話，正確應該要蹲低身先抬起重物，如果唔係「10條腰都唔夠扭啊！」佢又話，清理塌樹應先用鋸將樹幹斬件，就咁搬起真係好危險，但亦唔鼓勵市民自己用電鋸鋸樹，擔心唔識用會出意外，強調安全最緊要喎。