網民熱話：童年回憶返晒嚟！蘋果批樹回歸大埔　00後又識唔識？

蘋果批樹先生已「駐守」該快餐集團的大埔廣福道分店近28年，不過礙於裝潢問題，其身處的房間一直被深鎖，蘋果批樹不見天日，無法陪伴食客用餐。早前更傳出它會被送至堆填區的消息，令街坊感到十分惋惜。不過，有大埔網民發現該房間近日被重新開放，食客可再與蘋果批樹先生一起用膳啦！

網民Fai Man在社交平台發表這個好消息，笑言蘋果批樹是經典擺設，「老餅系列，90尾00頭後未必知！」不少大埔街坊對蘋果批樹「重光」表示雀躍，回想起當年和母親去吃快餐時，「一定要坐呢個位！」然而，有網民稱蘋果批樹先生或將拆走，呼籲大埔街坊把握機會，到該店拍照留念，保留「90前」的集體回憶。

記者到現場視察，發現蘋果批樹先生完好無缺，身軀仍保持光澤，同時「碌大對眼」望着食客用餐，笑容可掬。惟不見昔日的「屋仔」和「麥當勞叔叔」。雖然經典老樹的回歸在網上引起回響，但正值午市時分也未見有街坊特意到快餐店與其合照。快餐店發言人曾指，自該店開業以來，蘋果批樹一直是裝飾的一部分，並無計劃將它移除或搬走。

網民有話說：

許新源：棵樹都應該會就黎拆㗎啦，大埔友有機會好影相留念！

Trista Yeung Skarstad：好耐唔見喇！！！不過間屋拆咗。

Json Wan：當年同媽媽去M記一定要坐呢個位。

※緊貼網民熱話，掌握最熱話題，請關注網民熱話fb：　

http://on.fb.me/1L3m1ro