政Whats噏：唔應袁嘉蔚　黃之鋒反面唔認人？

香港眾志前主席羅冠聰嘅女友兼眾志前副主席袁嘉蔚，喺今年5月趁眾志換屆時，決定退黨保平安，轉投民主派立法會議員區諾軒嘅懷抱，落腳做南區社區幹事。不過，唔知係咪退咗黨，袁嘉蔚今日(23日)見到眾志秘書長黃之鋒時，黃竟然睇佢唔到，唔通咁快就反面唔認人？

袁今晚喺社交網站發貼，話晏晝搭巴士去立法會做嘢，當途經政府總部時，見到黃之鋒同幾個朋友，於是好自然咁揮手，點知無人見到佢喎。然後佢嘅隔籬位就投以奇怪目光打量佢，袁就心想對方一定誤會佢係黃之鋒粉絲，所以覺得好興奮，大嘆「今鋪水洗都唔清」。

但呢類尷尬時刻唔止一次，佢話呢排搭得巴士多，今晚搭港鐵時，又下意識咁喺扶手柱上下探索，諗住撳鐘落車，點知隔籬位又再望住佢。總結而言，袁嘉蔚呼籲大家無咩事唔好坐佢隔籬，唔知下次會做咩黐線嘢喎。