政Whats噏:梁繼昌新髮型 備戰渡海泳

20181011
東網電視
更多新聞短片
梁繼昌換新髮型,十分清爽。(陳亦瀅攝)
立法會啱啱放完暑假,尋日(10日)正式復會,唔少議員都抖足精神返嚟開會。繼漁農界何俊賢以剃光頭示人後,會計界梁繼昌(Kenneth)都換咗新形象,不過佢就冇剃光頭喇,而係兩邊剷青。
以往Kenneth嘅髮型都係九一分界、前面頭髮斜梳,兩邊頭髮則留厚。新髮型望落好清爽,除咗將兩邊頭髮剷青外,前面頭髮有剪短同埋向前梳,離遠睇會有少少似平頭裝。唔知係咪啲頭髮剪到比較短,以前嘅九一分界似乎消失咗。
至於點解要剪新髮型?Kenneth解釋,話6年前做咗議員之後,髮型一路冇變過,嚟緊佢會去游維港泳,所以索性剪短啲,方便游水。佢仲自爆話,依家游完水,啲頭髮兩分鐘左右就乾喇。好多時男士習慣咗一個髮型,就未必會想轉,Kenneth今次換新形象,可以話係煥然一新。