你要知:牙膏擠入毛縫刷得更乾淨 真定假?

2018年10月12日 06:00
東網電視
更多新聞短片
人人每日都刷牙,究竟點刷先刷得有其法?(甘偉倫攝)

「牙膏要擠入牙刷刷毛縫隙?」「牙膏擠得愈多擦得愈乾淨?」刷牙是每人的日常生活習慣,不過人人刷牙不代表人人識刷牙,當中其實大有學問,不如就由牙科醫生吳子傑拆解刷牙謬誤,讓大家擁有靚白牙齒之餘,亦確保口腔清潔。

牙膏擠入牙刷刷毛縫隙?

近年有人提出嶄新的擠牙膏大法,指一般人將牙膏擠在牙刷表面,清潔效能有限,反而將牙膏刻意擠入牙刷刷毛縫隙中,令牙齒直接接觸牙膏,清潔功效可大幅提升。吳醫生認為,刷牙時的壓力已經可以將牙膏迫入刷毛縫隙,根本沒必要將牙膏刻意擠入刷毛縫。

一家大細用同一支牙膏?

若家中有兒童,便要另備兒童牙膏,原因是氟化物雖然能減低蛀牙機會,但兒童刷牙時,可能誤吞牙膏,如果長期吞嚥牙膏,有機會造成氟中毒,令牙齒出現白斑,甚至影響骨質發展。而市面上兒童牙膏氟化物含量較低,嬰幼兒牙膏甚至是完全不含氟化物。

牙膏落得愈多擦得愈乾淨?

要保持口氣清新及預防口腔疾病,人人都必定會落牙膏刷牙,不過有人會落大量牙膏,吳醫生認為並無需要,「牙膏分量差唔多一粒豆大細就夠」。

軟毛牙刷唔傷牙?

不少牙醫都會推薦軟毛牙刷,吳醫生亦十分贊同,「以前啲特價牙刷刷毛特別硬又特別粗,用得耐反而會刷傷牙齒,引致牙腳外露甚至出現敏感徵狀」。至於如何選購合適軟度的牙刷,可以將牙刷擦上手背,若不會痛便屬合適;另一測試則可在番茄上刷,番茄未有凹陷,已是軟硬適中的牙刷。

電動牙刷刷牙更有效?

電動牙刷與普通牙刷一樣有效,但如果不正確使用電動牙刷,可能帶來反效果,「舊式電動牙刷轉速非常高,加上硬刷毛更會造成牙齒磨蝕,引致牙齒敏感」。

刷牙用水前先開水龍頭10秒?

香港曾揭發食水含鉛事件,坊間指早上刷牙時應先開水龍頭10秒,讓有重金屬的水先行流走才使用。「水質差唔會即刻攞嚟刷牙」,至於用甚麼水溫刷牙?他指不同水溫對牙齒沒太大影響,「但如果連凍水都飲唔到,可能本身啲牙有事,就要搵牙醫了解原因」。

經常更換牙膏品牌防細菌產生抗體?

有人認為牙膏品牌要不時更換,因為當細菌習慣後,可能產生抗體。不過吳醫生認為並無必要,因為牙膏的氟化物並不會令細菌產生抗體,所以任何品牌牙膏都可以長期使用。

進食酸性食物後立即刷牙,會令牙齒受損?

進食酸性食物後30分鐘內都不適宜刷牙,否則會刷蝕牙齒,出現敏感徵狀。正確做法應先讓口水中和酸性才刷牙,效果會更好。至於沒有牙齒的嬰兒或長者是否都有刷牙的需要?吳醫生建議可用乾淨的紗布清潔舌頭及牙床骨位置,對確保衞生及消除口氣非常有效。

撞甩恆齒有得救?

小朋友做運動時或會撞甩恆齒。如果小心處理,恆齒有機會重新穩固在牙槽上。「千祈唔好用紙巾包住隻牙,要趁牙腳表面細胞未乾透前,盡快放入鮮奶內,或者用隱形眼鏡藥水浸住,如果搵唔到呢啲物品,可以用口水含住隻牙先。」