網民熱話:1星期4宗 呃錢黨強攻雜貨店

2018年10月13日 18:35
東網電視
更多新聞短片
有雜貨店在網上公開了呃錢黨的犯案過程。(互聯網)

呃錢黨手法層出不窮,今日(13日)一間連鎖雜貨店,在Facebook發文,公開在過去1星期內,4度「中招」的經過。該店於不同地區的分店,均被人以同一手法呃錢。負責人接受東網訪問時指,懷疑背後有不法集團操縱,已就事件向警方備案。

貼文於今午1時許發出,主要是涉事店舖宣布購物滿港幣200元,才可支付500元鈔票,以及公布呃錢黨的作案過程。據貼文指,賊人的犯案手法幾乎一模一樣,會在店舖內隨手拿起一件貨物,之後排隊付款。付款時,他們會先付一張500元紙幣,再「出口術」,以不同理由擾擾攘攘,趁亂拿回500元,之後着收銀員繼續「找錢」。

貼文後段更指,「想話畀呃錢黨知,人在做天在看,我哋收銀處雖然繁忙,但賺嘅全部都係低毛利血汗錢,你哋嘅行為真係好討厭。」而貼文留言附有兩段閉路電視影片,顯示了兩名男子涉嫌作案過程。

「執笠倉」負責人蘇小姐指,旗下分店在過去1星期,於點數時,相繼發現「唔啱數」,其後店長翻查閉路電視,發現了3間分店都曾中招,被呃錢黨共呃走約港幣2000元。她認為事件涉及集團式犯罪,不法之徒覷準收銀員太忙碌借機作案,「公開事件係想同行留意,已經搵警方備咗案,不過因為唔係人贓並獲,所以暫時都冇乜嘢可以做到。」

網民對此議論紛紛,不少人認為收銀員應更加小心,負責人留言力撐同事:「其實我哋真心唔怪個同事,收銀實在太忙。」有網民則怒罵賊人:「至憎呃錢黨,做收銀係要賠錢畀公司,人哋一日人工就咁畀咗你,有手有腳,好心就努力搵錢,等畀天收。」

網民有話說
Fanny Lo:至憎呃錢黨,做收銀係要賠錢畀公司,人哋一日人工就咁畀咗你。
Eli Ha:滿200都唔好收啦,人哋似係target咗你哋呀,有無報警啊?
Maggie Cheung:呢啲呃錢黨專搵啲唔熟、新手嚟呃,佢地呃慣晒,識出口術擾亂你!
Hei Likbeer:最好方法,喺呢度公開片。
Shan Chun:似乎有組織啊!

※緊貼網民熱話,掌握最熱話題,請關注網民熱話fb: 
http://on.fb.me/1L3m1ro