每日一片:搭的士多行李是原罪?的士站照拒載

20181213
東網電視
更多新聞短片
的士司機指摘行家揀客拒載,但反被網民狠批。(互聯網)
香港不少人都有被的士拒載經驗,的士司機所持理由大多是塞車或交更,不過如果有人說行李太多,你又是否會接受?近日有車cam就拍得一名的士司機在的士站拒載拖着數件行李的乘客,雖然目擊司機不值行家所為而出言指摘,不過其最後未有接載涉事乘客就開車走人,卻惹網民質疑:「咁拍片呢位呢?點解又走?」
事發於昨晚(12日)晚上近8時,現場是尖沙咀中港城地下的士站。目擊事件的網民兼的士司機將片段上載Facebook專頁「的士司機資訊網 Taxi」,片段開始,一架的士正在站頭上客,旁邊似排頭位的一家四口拖着數件行李正在候車,但就未能登車。
當前車離開,目擊司機將車駛前,一名在場維持秩序的女保安員走近,向司機說有乘客要去重慶大廈,他反問說:「點解前面架車唔去?」女保安回應:「我唔清楚佢,佢意思係多行李」。司機隨即發火:「黐線,你有冇搞錯,睇住個的士站,你畀啲人㨂客?你點做嘢...」面對司機炮轟,女保安無奈回應:「好啦,下次唔會,多謝,唔好意思」。正當大家以為司機會接載這批被拒載的乘客時,最後卻驅車離去。
雖然有網民批評以多行李拒載並不合理,又估計真正原因是目的地太近,又要兜大圈又要塞車,才是真正拒載理由。不過亦有人將矛頭指向挺身而出的的士司機,「阿片主先生,唔好五十步笑一百步啦,你上咗呢台重慶大廈(客),你就有資格話佢,如果唔係你咪一樣咁X街」、「咁拍片呢位呢?點解又走?」