政Whats噏:冇時間食晏 聶德權趕住去唱歌

20181220
東網電視
更多新聞短片
聶德權(中)今午到中環置地廣場唱聖誕歌。(陳嘉順攝)
香港人生活咁忙碌,每次放飯都要把握時間,不過人稱「三耳」局長嘅政制及內地事務局局長聶德權今日(20日)就趁午飯時間,帶埋該局20幾人一齊去咗中環置地廣場唱聖誕歌,原來係為咗幫團體做聖誕表演!佢話自己好耐冇公開表演過唱歌,對上一次已經係仲做緊社會福利署署長嘅時候,數落都起碼係5、6年前喇!
聽落三耳局長嘅唱功都唔算生疏,原來係因為佢有返開教會,有喺教會唱聖詩,所以都可以話係經常唱歌喎。
佢仲喺活動上呼籲市民應該趁住聖誕呢個普天同慶嘅日子,多啲關心家人,而且唔好成日掛住玩手機,多啲親身同家人溝通交流先得!至於佢自己,就話近期搞《國歌法》太忙,所以放假都係打算留港休息同消費。