每日一片：人過佢又過？私家車衝紅燈好危險

救人一命，十萬火急，救護車執勤時衝紅燈可獲豁免，普通車輛當然無此「特權」。近日網上流傳一條車cam片，拍下一輛白色私家車緊隨一輛救護車衝燈的畫面。網民戲謔：「佢係咪以為自己係白車？」

片段由Fb專頁「香港交通突發報料區」發布，亦留言指：「都有一啲係好司機，呢啲先係優質的士」。事發時間相信是昨日（1日）上午9時許。拍片的士停在灣仔皇后大道東與堅尼地道交界的燈位，當時指示車輛的交通燈亮起紅色燈號，其左方的一輛紅色的士，突然稍稍向前移動，一輛救護車隨即駛過，並向皇后大道東方向駛去。未幾，一輛白色私家車亦隨救護車「衝燈」，但就左轉堅尼地道。

網民認為私家車司機罔顧安全，並指畫面內，三輛「搵食」的士，守規矩地等待轉燈，「架私家車同佢哋形成強烈對比。」亦有網民戲謔：「以為自己都係白車，遲早畀人送上白車（救護車）啦！」