長洲豬屍：居民擔心爆瘟疫　「有咩事都唔知點算！」

長洲東灣今早(17日)發現豬屍，恐為內地非洲豬瘟「病豬」隨水漂至，已居於長洲數十年的劉婆婆(82歲)表示，長洲早已無人養豬，擔心豬屍漂至引發瘟疫，「影響梗係大啦，長洲係個島嚟，有咩事都唔知點算！」她認為政府應加強注意內地的疫情，同時會提醒年輕人到沙灘游玩時要特別留意，但她不會因此停止購買和進食豬肉，「睇吓啲豬肉靚唔靚先買，冇得食又唔得。」

居民陳先生表示，估計豬屍從內地珠江口漂至，「以前沙灘都發現過(動物)屍體，狗屍都有」，對於漂至豬屍可能帶來病菌，他坦言「唔擔心得咁多，惟有等政府處理。」另一居民郭先生亦從電視上得悉事件，相信豬屍「唔關長洲事」，他表示自己向來甚少進食豬肉，故不擔心非洲豬瘟疫情。

另外，一名女遊客得知沙灘有豬屍後表示，知道非洲豬瘟不會對人體造成影響，故無任何預防措施，「從來都唔驚呢啲嘢，豬肉一定要煮熟晒先食！」另一名男遊客亦稱不擔心事件，惟會對不明豬肉提高警覺。