每日一片：刻意挑機？阿Sir完美轉身　的士趁機衝燈

搵食艱難，的士司機為搶客在馬路上「行快兩步」亦無可厚非，但大前提是要遵守交通規則及安全為上。日前有車Cam就拍到一架的士在有警察在旁下，仍趁對方一個轉身「偷雞」衝紅燈，不過有網民對的士冒險衝燈動機摸不着頭腦，更有人笑稱是「挑機」警察。

事發於上周五(25日)下午近5時，片段開始，的士在已亮起紅燈的交通燈前等候轉燈，而右邊路旁一名警員正處理違例泊車而開始抄牌，期間對方一度四處張望，相信正在查看門牌號碼。正當警察一個轉身走回行人路時，的士司機似乎見機不可失，懶理仍未轉燈便開車衝過對面馬路。不過由於前路交通頗為繁忙，的士最後只是困在車龍中，進退兩難。

不少網民對的士司機舉動都不明所以，「又唔覺前面有人截車喎！」、「有必要咁衝法咩？」、「有冇咁趕時間？」亦有人以曲線「讚賞」司機，「唔講犯規，膽識，技巧過人」，更指「警察睇唔到，挑戰成功」。