政Whats噏:葉劉狙擊領展 鍾國斌譏攞票攞掌聲

20190212
東網電視
更多新聞短片
葉劉淑儀提出私人草案以規管領展租金,鍾國斌直指葉劉只為選票兼攞掌聲。
向來與領展有好深牙齒印嘅新民黨葉劉淑儀,過去不斷巡視領展商場、拍片放上網、提口頭質詢等,近日佢更乘勝追擊與工聯會麥美娟聯手提私人草案以規管領展租金,卻引來自由黨黨魁鍾國斌不滿,直指葉劉只為選票兼攞掌聲,葉劉就反指說法唔公道。兩人隔空開火,睇嚟遲吓喺立法會辯論時勢掀起一輪激辯!
鍾國斌今朝(12日)出席電台節目時,直指葉劉嘅法案「講出嚟好聽,可以攞票攞掌聲」,但實際上係行唔通,領展可以「見招拆招」,就算上立法會走晒程序都最少3年。佢又話,香港一直以嚟被評為最自由經濟體,認為要修例去規管上市公司有所保留,仲反問係咪領展社會責任做得唔好就要立法?但問到係咪一定會反對草案,佢就話要睇真啲內容再決定。
對於鍾國斌嘅正面抽擊,葉劉亦係不甘示弱,她接受傳媒訪問時,直言自己只係回應市民嘅投訴,反擊鍾嘅說法唔係太公道。