政Whats噏：港台論壇橫額鬆脫　市民隨時「中頭獎」

新正頭個個都希望橫財就手，中頭獎就梗係開心都飛起喇！話說香港電台今午(17日)喺中環10號碼頭舉辦論壇，可能近海風勢較大，掛喺論壇上方嘅橫額都被吹到左移右擺，部分支撐橫額嘅竹枝亦鬆脫，坐喺下面嘅嘉賓分分鐘「中頭獎」，好彩最終啲橫額都冇跌落嚟啫，否則新年流流中呢個頭獎就認真黑仔。睇嚟主辦單位日後搞論壇嘅時候要更加小心嘞！