政Whats噏：葉建源棄政從演　殺入樂壇？

棄政從演？立法會教育界議員葉建源殺入樂壇？仲同殿堂級歌手葉麗儀、葉振棠組隊添！

但凡立法會有午間音樂會，葉建源都必到咁滯，亦曾經獻唱過，唔通因為咁發現骨子裡充滿音樂細胞，索性拋個身出嚟唱歌？

講笑啫！其實葉建源日前佢喺社交網站Facebook上載咗幾張相，係佢去睇香港中樂團嘅演出，而葉麗儀同葉振棠亦同台演唱。葉建源仲留言話得到主辦單位嘅允許，佢去咗後台探班，仲同佢哋合照。

葉建源咁橋都姓葉，於是笑稱可以組成「三葉合唱團」添！有網友就留言問起佢有冇上台唱返幾嘴？佢就答有。果真？原來佢只係喺同在場觀眾嘅互動時間，跟住唱咋！真係唔知就嚇死，知到就笑死。