畫花牙籤被制止　港媽教細路「報復」　侍應嬲到震

父母向來是孩子的榜樣。惟近日有港媽在餐廳用牙籤教數學被侍應勸止，結果離開時着小朋友折斷所有牙籤「報復」，令侍應一肚怒火。

在西餐廳任職的網民投稿至Facebook專頁「生仔要考牌系列」，指有兩位媽媽帶同兩名小孩前來下午茶，但小朋友非常吵鬧，他曾要求小朋友小聲點，「其中一個阿媽即刻瞪住我」。

雙方此時已「結下樑子」，但其中一名媽媽之後抽出餐桌上的包裝牙籤，逐一寫上1至10的阿拉伯數字，教導小朋友數學。他眼見牙籤的包裝「揸皺晒」，只好又出聲道︰「唔好整爛啲牙籤！牙籤唔係用嚟玩㗎！」並把牙籤收走。

該媽媽疑老羞成怒，對小朋友說︰「叔叔話你哋整爛晒啲牙籤，咪整爛畀叔叔睇囉！」最終他們離去前，把未用過的牙籤全部折斷。

不少網民怒斥家長無品︰「呢個怪獸媽同仔女真係不知所謂」、「冇家教嘅典範」、「將來仔女唔孝順，就係因為父母自己造成」。

---------------

《港呢啲》：大事小事騎呢事，東網嚴謹選題，輕鬆製作！