驚險！跣胎炒到彈起　落雨揸車有乜要小心？

雨天駕駛，需加倍小心。近日有貨Van疑因路面濕滑，跣胎自炒，撞向防撞欄後翻側，引來網民討論雨天駕駛的小技巧。

從Facebook專頁「OpenCar」的片段可見，星期日（3日）早上近8時，有貨Van在公主道沿右線直駛，惟駛至常盛街公園附近時，疑因煞車失控，直衝向左邊欄杆。貨Van撞至彈起，旋轉180度後翻側，車頭及車身嚴重損毀。

不少網民分析事件︰「太大腳迫力」、「迫力太重，仲過分扭軚」、「落雨仲開咁快」、「架車甩緊仲踩迫力，唔炒都變炒」。

駕駛教師協會理事長黎文傑曾接受《港呢啲》訪問指，駕駛者若不幸跣胎，拉手掣會加速甩尾；相反，司機應扭反手軚自救，「譬如佢個彎係轉右，喺甩尾期間要即刻扭番左軚，令到條行車路線拉番直」。他提醒駕駛者，雨天駕車應減慢車速，轉彎亦應慢慢收油，避免跣胎。

---------------

《港呢啲》：大事小事騎呢事，東網嚴謹選題，輕鬆製作！