每日一片：7人車明知馬路亮綠公仔　竟然咁反應...

為貪一時之快，連行人安全亦可不顧？近日有車Cam拍得一架7人車在只限直駛的行車線上，罔顧安全，在綠色行人公仔亮起時，仍強行違規左轉，跟隨其後的一架電單車見狀，雖響按提示，惟對方一於懶理。

現場是上環干諾道西與德輔道西交界一個交通燈位，該段路有兩條行車線，一條是右轉德輔道西，一條則只限直駛至永樂街。事發於昨日(4日)上午11時36分，據車Cam拍攝所見，當時該輛白色7人車沿只限直駛的行車線行駛，但至交通燈口時，竟突然違規向左轉，當時行人過路處綠公仔正亮起，亦有不少行人正橫過馬路，期間從後跟隨7人車的電單車見狀，已即時響按提示，但對方卻置若罔聞。

電單車司機事後表示已經就事件報警，並留言稱，「我響晒按，你停定咗架車，望住有行人喺條過路線度行緊，你都仲選擇出去？！...個(車)牌擺番低一年半載，好好諗吓第日點樣揸車。」

網民大讚電單車司機「為民除害」、「呢啲X街唔好放生佢啦」、「做得好！拆彈專家！」有網民更直指7人車司機「可以冷靜到咁，肯定慣犯」。