每日一片：滑板男暴走新蒲崗　「掹車邊」借力滑行馬路

極限運動總帶些危險性，不過若場地放在馬路上，危險之餘，隨時更累人累己。有車Cam今日(9日)就拍到一段影片，片中一名男子竟選擇在人多車多的新蒲崗馬路大玩滑板，期間在車群中穿梭，令網民亦為其行徑抹一額汗。

據車Cam資料顯示，事發於今日早上約10時，網民Jun Leung將影片上載Facebook群組「馬路的事討論區」。片段開始，戴上頭盔一身輕裝的滑板男以攝車罅姿勢出現，先越過貨車。期間在一個彎位時，懷疑因為被旁邊一架客貨車所阻，滑板男竟扶着一架正行駛的私家車車尾，「掹車邊」借力前進，隨後更在行車線中央滑行，甚至在車群中爬頭。

不少網民看過影片後，都直斥滑板男害人害己，「畀車撞死唔好怪人」、「仲以為自己好快，啲車怕咗你先唔畀油呀！」有網民更理性分析：「玩唔係問題，人多車多嘅馬路就咪搞啦，我自問都有玩類似嘢，但唔會日光日白人多車多嘅時候走落條馬路度囉！」