政Whats噏:黃浩銘林卓廷官司纏身 密會漢奸黎攪局?

20190310
東網電視
更多新聞短片
漢奸黎今日又再同泛民主派密會兩個半鐘。
一向與泛民主派關係千絲萬縷嘅壹傳媒黎智英(漢奸黎),今日(10日)又再喺其何文田寓所同泛民主派密會兩個半鐘。出席者包括「搞事四人幫」之一嘅民主黨(白鴿黨)創黨主席「李漢奸」李柱銘、外號「AV仁」嘅白鴿黨前主席何俊仁、曾收取漢奸黎部分捐款「袋住先」長達9個月捱轟嘅工黨李卓人、社民連副主席黃浩銘同白鴿黨現任立法會議員林卓廷。黃、林二人近年官司纏身,唔通今次為咗佢哋「攪局」?
今朝11時,漢奸黎旗下7人車駛出寓所,約1小時後駛回大宅,只見AV仁坐在副駕駛座,後座人等則放下窗簾。眾人密會約兩個半小時後,漢奸黎到屋外送客,而一眾泛民主派人士喺下午2時45分左右乘7人車離開。
7人車率先駛往旺角警署外,黃浩銘第一個落車,李卓人緊隨其後,最後係林卓廷。被問到係咪同漢奸黎食飯?眾人只答「係啊係啊」,至於傾咗乜嘢?佢哋都笑而不語。7人車之後駛過海,先送李漢奸返其位於半山馬己仙峽道的寓所,及後送AV仁到其大坑寓所,AV仁落車時手執一個膠袋、書本同類似文件嘅嘢返歸。
黃浩銘涉及「佔中九子」案將於下月裁決,咁啱林卓廷同黨友尹兆堅涉傷立法會保安案亦於同月再度預審。唔知今鋪「攪局」又傾咗乜嘢呢?