康文署漏招停執法 居民憂令餵雀問題加劇

20190311
東網電視
更多新聞短片
康文署因「做漏招」,須暫停在450個場地執法。(何天成攝)
康樂及文化事務署過去多年「做漏招」,最少450個場地未有按要求於土地註冊處存圖則,署方即時叫停在相關場地執法,包括就吸煙、擺賣及唱歌等行為作檢控,過去錯發的檢控更隨時面臨被「翻案」。 東網記者今午(11日)到其中一個涉事場地荔枝角公園,發現有市民在公園範圍內吸煙,有人更將煙頭隨手扔到花槽,但未有被勸阻。
荔枝角街坊金女士每日都會到荔枝角公園散步。她指,有時見到人在公園內吸煙,對於署方及控煙辦暫未能在公園內執法,她擔心會破壞公園環境,「周圍都會污糟邋遢,空氣唔好」,不過她認為可給予空間當局修正,「政府都有自己難處,畀啲時間囉,政府要做咁多樣嘢。」
陳小姐每星期有一、兩日帶兒子到荔枝角公園玩,但平時甚少見到有人在此吸煙。她擔心當局暫無法在公園內檢控違例吸煙,會令公園空氣變差,「本身囝囝皮膚容易敏感,或者呼吸系統都會有影響。」她希望當局盡快修正問題,「始終嚟公園都係想Relax(放鬆)或者玩,小朋友又多,會影響下一代。」
住在公園附近的田女士指,雖甚少見人在公園內吸煙,但有不少人違規餵飼雀鳥,「有長者會坐喺度畀嘢雀仔食」,惟從未見職員勸阻或執法。她擔心署方暫停檢控會令餵雀問題加劇,冀當局盡快處理,「好似發覺雀仔愈來愈多,啲飛禽會帶嚟菌、病毒」。
不願上鏡的楊先生每日上班途中都會經過荔枝角公園。他表示,未太擔心「漏招」問題會導致公園烏煙瘴氣,「因為佢冇公布邊400幾個地點」,又指現時煙民普遍都有自覺性,知道不能在公園內吸煙。就當局在公園啟用多年才發現問題,他斥香港政府「好多甩漏,好多嘢都好離譜」。