中港車硬Cut影線　貨Van急扭軚　被迫入西貢

行錯路大多兜個圈重返正路，惟近日有中港車驚覺在公路走錯方向，竟在影線區切線，險與貨Van相撞，客貨車更慘被迫陪同轉線入西貢？

有網民將片段上載至Facebook群組「小心駕駛（討論別人駕駛態度）」，顯示星期六（16日）下午5時半左右，有中港車在大老山公路行駛至分岔路前，突然打燈扭軚，逼近在中線直駛的貨Van，越過影線區往馬鞍山及西貢方向竄去。

尾隨的輕型貨車司機眼明手快，急忙扭左減速閃避，奈何因避車而被迫駛往馬鞍山及西貢方向，慘要兜大圈。

片主在貼文直斥︰「炸彈。希望你下次冷靜啲，唔好累街坊……我喺後面畀你嚇親，幾驚架Van反車。」

不少網民怒指中港車黐線︰「架Van如果左面冇位就一早畀佢逼炒咗啦」、「佢逼架Van陪佢轉線喎」，「呢啲人個牌淘番嚟㗎」、「基本駕駛意識都冇，唔熟路就行中線啦，害人害己」。有人則建議目擊司機報警︰「可以送佢去1823」、「為民除害唔該」。

---------------

《港呢啲》：大事小事騎呢事，東網嚴謹選題，輕鬆製作！