網民熱話:鄉音阿姐索假紙被拒 急症室賴死唔走

20190321
東網電視
更多新聞短片
鄉音阿姐在急症室大吵大鬧,原來就為一張假紙。(互聯網)
公立醫院急症室使用量大,醫護人員已疲於奔命,若再遇上搞事病人,更是百上加斤。近日有網民就在瑪麗醫院急症室目擊一名滿口鄉音的中年婦因為向醫生索病假紙不果,竟大吵大鬧,甚至揚言取不到假紙,就堅拒離開。
網民Mabel Wong昨日(20日)將一段只有短短3秒的片段上載到Facebook群組「西環變幻時」。片中一名中年女子坐在輪椅上手指指,一副「戰鬥格」模樣,以一口不純正廣東話大叫:「我係講道理」,其身旁則有一名保安。該名網民留言稱,當時中年婦看完醫生,要求醫生寫假紙,但醫生指只能寫到診紙。中年婦聞言後大為不滿:「我聽日點返工?」醫生回覆稱:「點返工係你嘅問題,現在冇事你可以走。」中年婦聞言後,便開始大吵大鬧,更拒絕離去:「呢間醫院係你㗎?你叫我走我就走,冇假紙點走?」醫生聞言,未知是否不想再糾纏下去,語氣變得更強硬:「到診紙你要唔要?唔要我撕咗佢。」之後着護士通知保安,將中年婦推出診症室外,避免阻礙其他求診人士。
網民看過貼文後,紛紛指摘中年婦搞事,又大讚醫生做得啱,「唔可以縱容呢啲人」、「應該影佢大頭,等全香港都知佢呃假」、更有人諷刺中年婦:「畀咗$180,冇假紙放番日假蝕咗...」 貼文更得到現場直擊的網民和應:「我都喺現場,樓主如實報道...真係嘈到呢...想推佢張輪椅出薄扶林道。」
網民有話說
關大洋:令佢大紅大紫,等佢老闆關心下呢位員工嘅病情
Sandy Wan:只能說,醫生做得好!
Chris Tai:咁唔喜歡,返大陸醫囉,畀你落嚟香港住,你都唔識珍惜。
※緊貼網民熱話,掌握最熱話題,請關注網民熱話fb: