政Whats噏:蔡潔如退休 梁悅賢接火棒

20190321
東網電視
更多新聞短片
蔡潔如將於4月8日展開退休前休假。
官場音樂椅又再轉動!政府今日(21日)公布行政署署長蔡潔如將於4月8日展開退休前休假,現任運輸及房屋局副秘書長(房屋)兼房屋署副署長(策略)梁悅賢,將於4月15日接火棒。
蔡潔如喺2012年7月中出任行政署署長,而喺2014年爆發「雙學三子」周永康、黃之鋒同羅冠聰衝擊政府總部東翼前地事件,其後為免政府總部被癱瘓更一度關閉東翼前地,及後再重新開放,而收緊東翼前地集會限制嘅決定,舊年更被高等法院裁定違憲,政府其後提出上訴。
其實,依家有唔少遊行都選擇喺東翼前地作為終點,並舉行集會,之前已出現過因為阻止示威人士帶港獨標語入內而發生混亂同衝突,睇嚟梁悅賢接手之後都幾頭痕。
另外,駐京辦前主任傅小慧將於4月17日出任律政司政務專員,接替將展開退休前休假嘅蕭如彬。