每日一片：司機過海Cut白線打尖　 阿Sir後面睇到實

紅隧海底隧道使用量極高，入隧道之前，難免要忍受塞車之苦，不過亦有司機會用自己方法「走捷徑」。近日有車Cam就拍到一架私家車在進入紅隧口前一段路，強切白線打尖，不過這名司機卻萬料不到一名交通警在其後目睹整個過程，最終硬食牛肉乾之餘，更隨時被記分。

現場是灣仔堅拿道天橋，事發於昨日(27日)早上約8時半的繁忙時間。當時一架黑色私家車沿堅拿道天橋中線往北角的行車線前進，不過有人為快人一步過海，懶理地下劃有白線，強行切往右邊往紅隧的行車線。不過整個過程，都被隨後一名交通警看在眼裏，交通警隨即響按追截，最終將司機截停並離開原來行車線，相信是在安全位置再行抄牌。

片段惹來不少網民嘲笑，直指司機：「成隻鐵馬喺隔離都照插，咁唔畀面，真係抵死！」、「又一馬路癡漢，大X晒！」、「個牌係咪買返嚟架？」。