政Whats噏：許曉暉胞弟許正宇重踏政途

已故民政事務局前副局長許曉暉，其胞弟、即新世界策略發展部董事許正宇重踏從政之路。

建制派政黨民建聯今日(3日)改選中委會同監委會，選舉結果顯示，有6名新中委，包括許正宇同兩名屯門區議員葉文斌同巫成鋒等。許正宇畢業於英國牛津大學哲學、政治及經濟(PPE)榮譽學士同碩士，曾經做過政務官，擔任前經濟發展及勞工局助理秘書長同駐京辦政務主任等，喺2012年則被傳獲推薦任副局長，但最終不見其影。

其實，許正宇早喺2008年已加入該黨，但唔算活躍分子，亦甚少參與黨務，今次當選中委，進身黨核心，日後肯定要參與更多嘅黨務同決策，至於未來會否更上層樓，大家就要拭目以待嘞！

至於監委會改選方面，就新增咗2名監委，當中包括立法會前議員蔡素玉，而蔡素玉上屆出任中委。