每日一片：獨行單車手大帽山落斜　遭失魂鐵騎「撞飛」

雖然踩單車是一項健康運動，但馬路行駛，總帶多少危險性。近日有車Cam就拍得有單車手在大帽山落斜時，不幸遇上一名失魂鐵騎士，慘被對方撞至凌空翻觔斗再落地，令不少網民大呼：「睇見都痛！」

現場是大帽山荃錦公路近「英雄亭」，片段開始，一名全副專業裝備的單車手沿荃錦公路落山，至靠近「英雄亭」對出時，對行線一架電單車駛至，未知是否受盲點所阻或是未留意交通狀況，司機似未發現單車駛至，竟突然越過對行線右轉「英雄亭」，結果剷向單車，衝力下，兩車齊齊翻側，單車手更應聲向前衝，凌空打了一個觔斗再落地。

網民看過片段後，都直言：「睇見都痛！」另外，亦有網民化身專家，分析誰對誰錯。有人指電單車司機違規越過雙白線，不過亦人指錯不在此，「26(兩個轆)係錯，不過唔係錯雙白，係錯右轉唔讓車！」「依單嘢電單車衰梗」、「呢下閘得好靚，足球嚟講無犯規」、「根本啲人太低估單車速度」。