躁司機夜闖屯院　狂響按兼罵人　目擊者︰中午已出現

躁司機擋路，大鬧屯門醫院？近日有男子竟然駕車泊正屯門醫院正門，阻塞通道，惹來網民狂派嬲。

有網友在Facebook群組「香港突發事故報料區」發貼指，周三（10日）晚上約8時半，一輛銀色私家車突然闖入屯門醫院，車頭更越過自動門，霸佔正門行人通道，引來眾人側目。

有目擊者表示︰「（車主）落車後瘋狂問候他人母親」、「不停不停勁響按」。有網民更透露，當日下午1時許已目擊該車在醫院出現，當時司機曾因停泊傷殘車位而被保安勸阻。

不少網民怒斥司機：「醫院已經夠忙，仲要搞事」、「正X街。嘈X住病人休息」。有人更諷謂：「架車要睇醫生」、「做乜唔駛埋入去」。

---------------

《港呢啲》：大事小事騎呢事，東網嚴謹選題，輕鬆製作！